नमस्कार विद्यार्थी मित्रांनो, आजच्या या व्हिडिओमध्ये आपण कोरोना व्हायरस ( COVID-19 ) या विषयावर मराठी निबंध पाहणार आहोत.
कोरोना व्हायरस निबंध || COVID-19 मराठी निबंध
प्रस्तावना :-कोरोना वायरस हा अतिसूक्ष्म आणि घातक विषाणू आहे.या व्हायरसला COVID-19 म्हणूनही ओळखले जाते.हा व्हायरस सर्वप्रथम चीनमधील वुहान या शहरात आढळून आला होता.या व्हायरसला ' जागतिक आरोग्य संघटना ' (WHO) ने महामारी म्हणून घोषित केले आहे.हा संसर्गजन्य रोग असल्यामुळे जगातील जवळपास 180 पेक्षा अधिक देशांमध्ये हा वायरस पसरलेला आहे.
आजअखेर,या विषाणूच्या संसर्गामुळे संपूर्ण जगभरातून लाखोंच्या संख्येने लोक मृत्युमुखी पावले आहेत.या व्हायरसला रोखण्यासाठी आणि यावर औषध किंवा लस तयार करण्यासाठी संपूर्ण जगभरातून संशोधन केले जात आहे.
◆COVID-19 कोरोना कसा पसरतो?
COVID-19 हा संसर्गजन्य रोग असल्यामुळे तो कोरोनाबाधित व्यक्तीच्या संपर्कातून किंवा त्या त्याच्या खोकल्यातून व शिंकेतून निर्माण होणाऱ्या थेंबापासून तो इतरांमध्ये वेगाने पसरतो.
◆लक्षणे :-
ताप, कोरडा खोकला,डोकेदुखी, श्वास घ्यायला त्रास इत्यादी कोरोनाची सुरुवातीची सामान्य लक्षणे आहेत पण ही लक्षणे दिसायला सामान्य असली तरी ती प्राणघातक/जीवघेणी असू शकतात.हा विषाणू थेट व्यक्तीच्या शरीरावर परिणाम करतो त्यामुळे व्यक्तीच्या जीवाला धोका निर्माण होतो.
◆कोरोनाला रोखण्याचे उपाय :-
कोरोनाला रोखण्यासाठी आणि कोरोनापासून स्वतःचे रक्षण करण्यासाठी आपण खालील उपाय करू शकतो.
●नियमित मास्कचा वापर करणे.
●खोकताना किंवा शिंकताना हातरुमालाचा वापर करणे.
●नियमितपणे हातांना सॅनिटायझर किंवा साबणाने स्वच्छ धुणे.
●गरज नसताना सार्वजनिक ठिकाणी जाण्याचे टाळणे.
●सार्वजनिक ठिकाणी किमान 2 मीटरचे अंतर ठेवणे.
अशा प्रकारे आपण स्वतःची आणि आपल्या कुटुंबाची काळजी घेतली तर नक्कीच आपण आपले कोरोनापासून संरक्षण करू शकतो आणि कोरोनाचा वाढत्या संसर्गाला रोखू शकतो.
●मित्रांनो,आशा करतो की तुम्हाला हा निबंधलेखनाचा नमुना आवडला असेल.
●धन्यवाद...
No comments:
Post a Comment