माझी आई
माझ्या आईचे नाव ... आहे.ती खूप प्रेमळ,आणि शिस्तप्रिय आहे.माझी आई गृहिणी आहे.ती नियमित देवपूजा करते.आईला सकाळी लवकर उठण्याची सवय आहे आणि ती शिस्तप्रिय असल्याने घरातील प्रत्येक व्यक्तीला देखील सकाळी लवकर उठण्याची सवय झाली आहे.घरातील सर्व काम आवरून आई ती मला शाळेत अगदी वेळेत पोहचविते.मला जेवणाचा डबा बनवून देते आणि मला शाळेत नेण्यासाठी देखील येते.
माझी आई माझ्यावर खूप प्रेम करते.ती मला प्रेमाने...म्हणून हाक मारते. आईची ती हाक ऐकतच रहावीशी वाटते.मलाही माझी आई खूप आवडते.तिच्याशिवाय घरी मला मुळीच करमत नाही.आई माझ्याबरोबरच माझ्या घरच्यांचीदेखील काळजी घेते. माझ्या आईवर संपूर्ण कुटूंबाची जबाबदारी आहे.माझे वडील घर सांभाळण्यास तिची मदत करतात.
शाळेतून जेव्हा ती मला घरी नेण्यासाठी येते तेव्हा ती शाळेच्या गेटसमोर उभी राहते आणि शाळा जेव्हा सुटते तेव्हा मला पाहून माझ्या आईच्या चेहऱ्यावर हसू उमटते.घरी गेल्यावर आई मला हात-पाय धुवायला सांगते आणि माझ्यासाठी चहा करते.यानंतर ती मला अभ्यास करायला सांगते.मला अभ्यासात काहीतरी समस्या आली तर मी माझ्या आईस सांगतो आई पटकन ती समस्या सोडवून टाकते.
माझी आई माझ्यासाठी खूप-खूप महत्त्वाची व्यक्ती आहे.ती माझ्यासाठी मायेची सावली आहे.आईला
आई म्हणून हाक मारल्याशिवाय मला चैन पडत पडत नाही.ती माझ्यासाठी सर्वात मौल्यवान व्यक्ती आहे.माझी आई खूप चांगले जेवण बनवते.तीने कोणताही पदार्थ बनवला तरी तो खूप जबरदस्त बनतो.घरातील प्रत्येकाला आईनेच बनवलेले जेवण आवडते.
अशी माझी आई मला खूप-खूप आवडते.
◆विद्यार्थी मित्रांनो,तुम्हाला हा निबंध आवडला असेल तर नक्की आपल्या मित्रांसोबत शेअर करा...धन्यवाद...
No comments:
Post a Comment